هن کاتي جي شروعات سڀ کان پهريان يورپ ۾ ٿي، انهيءَ کان پوءِ سڄي دنيا جي ملڪن ان کي پنهنجي حڪومتي ڪاروهنوار جو حصو ڪيو. مختلف ملڪن ۾ هن اداري جا مختلف نالا آهن:
Ministry for External Affairs, Ministry Foreign Affairs, يا The State Department (جيڪو سفارتڪاريءَ جي دنيا ۾ آمريڪا جي پرڏيهي دفتر جي حوالي سان تمام گهڻو مشهور آهي)، پر انهن مڙني جو ڪم هڪڙو ئي آهي ته ڳڻ ڳوت سان جوڙيل ملڪي پرڏيهي پاليسيءَ جي مُختلف پهلوئن کي عملي طور تي ڪيئن رائج ڪجي. اِن کاتي ۾ ڪيترن ئي سياسي، سماجي، معاشي، ثقافتي، ۽ فوجي معاملن سان تعلق رکندڙ ماڻهن جون گڏجاڻيون ٿينديون آهن ۽ بين الاقوامي تعلقات جي حوالي سان ڪيترائي اهم اهڙا فيصلا ڪيا ويندا آهن، جن کي بعد ۾ پرڏيهي پاليسيءَ جو حصو بڻايو ويندو آهي. هن کاتي جو خاص وزير يا سيڪريٽري به مقرر ڪيو ويندوآهي، جيڪو سڀ انتظامي معاملا سنڀاليندو آهي