”مارشل رٿا“ جي تسلسل ۾ برطانيا ۽ فرانس جي ڪوششن سان 16 يورپي ملڪن- پورچوگال، ناروي، سويڊن، ڊينمارڪ، سئٽزرلئنڊ، فرانس، اولهه جرمني، اٽلي، بيلجيم، هالئنڊ، لڪسمبرگ، آئرلئنڊ،آئس لئنڊ، ترڪي ۽ قبرص هيءَ تنظيم قائم ڪرڻ واري ٺاهه تي 16 اپريل 1948ع تي صحيون ڪيون. ان تنظيم جو مکيه ڪم مارشل رٿا جي روشنيءَ ۾ يورپ جي اقتصادي بحاليءَ لاءِ آمريڪي انتظاميا سان سهڪار ڪرڻ هو. ان تنظيم جو ويچار هو ته ٻاهرئين غير معمولي سهڪار تي ڀاڙڻ کان هٽي، يورپ ۾ اقتصادي سرگرمين کي پاڻ- ڀرائپ جي بُنيادن تي نئين سر جياريو وڃي. ان ڏس ۾ ميمبر ملڪن وچ ۾ هڪٻئي سان سهڪار وڌائڻ، واپار کي زور وٺائڻ، محصول گهٽائڻ لاءِ هڪ مڪمل ادارو قائم ڪري ادائيگين جي نظام کي سُڌارڻ سان گڏ ۽ پورهيي جي حالتن کي بهتر بنائڻ تي سهمتي حاصل ٿي.