ڪنهن به ملڪ جي ٻئي ملڪ سان وکرن يا شين جي برابريءَ جي بنياد تي ڏيتي ليتي (Barter System) ڪرڻ جي سگهه کي جاچڻ کي Fungibility واري اصطلاح سان نرواريو وڃي ٿو. انهيءَ جو مثال بين الاقوامي تعلقات جي دائري ۾ رهندي هيئن سمجهيو وڃي ٿو ته جڏهن ڪو ملڪ ٻئي ملڪ کي ڪڻڪ يا تيل يا وري چانور ڏيئي موٽ ۾ پنهنجي ِضرورت واري ڪا شئي جهڙوڪ: ڪپهه، کنڊ يا ٿيندڙ فصلن چمڙو وغيره وٺي؛ يا جهڙي طرح پاڪستان ڪپڙي جون جنسون ڏيئي ٻين ملڪن کان ٽيڪنالاجي يا ضرورت جون ٻيون شيون وٺڻ جو معاهدو ڪندو آهي، ته انهيءَ ڏي وٺ کي ” Fungibility“ جو نالو ڏنو وڃي ٿو. موجوده دور ۾ ڏيتي ليتيءَ جي انتهائي لاڀائتن وکرن ۾ ڪچو تيل، ڪڻڪ، ميون جو رس، قيمتي ڌاتو ۽ قديم سِڪا وغيره اچي وڃن ٿا. اهڙي ڏي وٺ جي نتيجي ۾ مُختلف مُلڪ گهربل مقدار/تعداد ۾ هڪ جنس ڏيئي ٻي جنس وٺن ٿا، ته کين واپار ۽ محصول ۾ ڪيتريون ئي سهولتون ملن ٿيون