اهم معاشي پاليسي معاملن سان واسطو رکندڙ سفارتڪاريءَ جو هي قسم ڌارئي /ميزبان ملڪ جي معاشي ۽ واپاري سرگرمين جو جائزو وٺڻ، واپاري ۽ معاشي حلقن جي روين کي نظر ۾ رکڻ ۽ مقامي ملڪ جي معاشي ترجيحن کان پنهنجي حڪومت کي آگاهه رکڻ ۽ ملڪي اثر وڌائڻ لاءِ صلاحون ڏيڻ هوندو آهي . ان کان علاوهه ڪنهن به حڪومت پاران پرڏيهي نيتيءَ ۾ سرسي حاصل ڪرڻ لاءِ پنهنجن معاشي وسيلن کي ٻي ءَ حڪومت لاءِ فائدي يا نقصان لاءِ استعمال ۾ آڻڻ جي عمل کي به ان اصطلاح جي حوالي سان بيان ڪيو ويندو آهي .’ معاشي سفارتڪاريءَ‘ ۾ معاشي ماهرن، واپار ۽ ڪاروبار جي پارکن، فني صلاحڪارن ۽ عالمي سطح جي ڇيدڪارن جي وڏي اهميت هوندي آهي . ان ڪري معاشيات جي شعبي ۾ مرتبو رکندڙ ماهرن کي خاص ترجيحون/مراعتون ڏيئي حڪومتي پاليسين تي مشورا وٺبا آهن .