بين الاقوامي تعلقات ۾ هي اصطلاح مُختلف معنائن ۾ ورتو وڃي ٿو، جن مان ڪُجهه اهم معنائون هتي ڏجن ٿيون: 1. جنگ جي منظرنامي ۾ ٻن تڪراري ڌُرين وچ ۾ موجود پٽيءَ تي مُهڙ ۾ موجود فوجن جي پوزيشن 2. سياسي تحريڪن منجهان اهڙيون تنظيمون، جيڪي ڪنهن خاص مقصد جي حاصلات (ڪنهن مخصوص حُڪومت جي خاتمي)، لاءِ هڪٻئي سان تعاون ڪندي، گڏيل محاذ قائم ڪن. جيئن زمبابوي ۾ ”پيٽرياٽڪ فرنٽ“ ۽ ڏکڻ آفريقا ۾ ”يونائٽيڊ ڊيموڪريٽڪ فرنٽ“ نالي محاذ عمل ۾ آيا ۽ اُنهن ملڪن آزاديون ماڻيون 3. ڪو به اهڙو گروهه، جيڪو ڄاڻي واڻي قائم ڪيو ويو هُجي ۽ اُن کي اصل ۾ ڪنهن لڪل مقصد يا اداري جي مُفادن لاءِ استعمال ڪجي. سندس قائم ڪندڙ جي رٿابنديءَ ۾ اهڙي گروهه جي اهميت، اصل منزل تائين پهچڻ لاءِ هڪ ابتدائي ڏاڪي واري هُجي ٿي. ”محاذ“ بابت اهو تصور سوويت يونين جي پرڏيهي پاليسيءَ ۾ وڏي اهميت رکندو هُئو. خاص طور انقلاب جي مُنڍ ۾ سوويت مُدبر ”ليئون ٽراٽسڪي“ هن سلسلي ۾ تمام گهڻي مهارت ڏيکاري