پُراڻي دور کان لاطيني زبان ۾ استعمال ٿيندڙ هي اصطلاح ، جنهن جي لُغوي مطلب ‘قانون مطابق‘ ٿيندو . جديد دور ۾ ڪنهن به صورتحال کي واضح ڪندي ان جي قانوني( Dejure ) ۽ حقيقي (Defacto) پهلوءَ کي نظر ۾ رکيو ويندو آهي . دنيا جي ڪا به حڪومت/ادارو جڏهن Dejure هوندو آهي ، ته ان جي حيثيت قانوني / جائز بڻجي ويندي آهي کيس ۽ سندن کنيل قدمن کي سڄي دنيا ۾ تسليمي ملي ويندي آهي . ڪن صورتن ۾ جڏهن ڪو سازشي ٽولو چونڊيل قانوني حڪومت جو تختو اونڌو ڪري رياستي اقتدار تي قبضي تي قبضو ڪندو آهي ، ته عملي طور تي (Defacto) موجب رياست ۾ سندس حڪم هلندو آهي ، پر عالمي برادريءَ ۾ کيس مڃتا پوءِ به نه ملي سگهندي آهي . ان جي اُبتڙ اقتدار تان لاٿل جلاوطن حڪومت کي قابض ٽولي جي جاءِ تي مختلف عالمي فورمن تي مڃتا ملندي آهي . بين الاقوامي سياست ۾ ڪيترا مُلڪ وٽن موجود مقامي يا عالمي قانونن جي هوندي به قومي مفادن کي اهميت ڏيندي انهن تي عمل نه ڪندا آهن ، جنهن جي نتيجي ۾ تڪرار جنم وٺندا آهن