بين الاقوامي قانون ۾ جائز ۽ ناجائز حڪومت جي حوالي سان ڪُجهه اصول بيان ٿيل آهن. جن موجب رياستي ڪاروهنوار هلائڻ ۾ ڪنهن به حڪومت جي فيصلن جي ”قانوني حيثيت“ سياسي نظام جي هڪ اهم ضرورت آهي. هن اصطلاح جو مطلب آهي ته ڪا به حڪومت ڪاروهنوار هلائڻ لاءِ جيڪو قدم کڻي، ته اها پڪ ضرورهئڻ کپي، ته اُها قانوني حوالن سان اهو قدم کڻڻ جي مجاز آهي ؟.يعني حڪومت کي قانون ساز اداران طرفان اهڙو اختيار مليل آهي يا نه. هن اصطلاح جي مذهبي وضاحت ڪندڙ ڌريون خدا جي ذات کي ”بااختيار“ (Numinous Legitimacy) سمجهي ، فقط ان جي آڏو پاڻ کي جوابدار سمجهن ٿيون. جڏهن ته عوامي راءِ کي ”بااختيار“ سمجهندڙ حلقا عوامي مڃتا (Civil Legitimacy) تي زور ڏين ٿا. ان اصول تحت ڪنهن به حڪومتي اختيار کي راءِ جي اظهار ذريعي عام جي حمايت هئڻ لازمي آهي