مخصوص صورتحال ۾ گهڻين ڌرين جي ڪنهن هڪ ڳالهه تي اتفاق جي حوالي سان ترتيب ڏنل هيءُ هڪ اصول يا قاعدو آهي، جنهن ذريعي ڪنهن هڪ ڌر يا قوم بجاءِ گهڻين قومن جي رياستي مُفادن کي ترجيح ڏيندي، عالمي سياست ۾ بهرو ورتو ويندو آهي. هن قاعدي تحت ،هر رياست جو گهٽ ۾ گهٽ قانوني لحاظ کان هڪجيترو مرتبوهوندو آهي. ووٽ ۽ نمائندگيءَ جو هڪ جيترو حق حاصل هئڻ ڪري ڪنهن به گڏيل معاملي ۾ هر رياست جپ اتفاق لازم سمجهي ويندي آهي. ان قسم جي اتفاق راءِ کي ”قومن جي انجمن“ واري پڌرنامي جي پنجين فقري ۾ تسليمي مليل آهي، جنهن مُطابق انهيءَ اداري جي مُک فورمن تي هر رياست کي ووٽ ڏيڻ جو هڪ جيتروحق مليل آهي. ”گڏيل قومن جي پڌرنامي“ ۾ جنرل اسئمبليءَ ۾ ته هر رياست کي اهڙو حق حاصل آهي، پر سندس ٻئي طاقتور اداري ”سلامتي ڪائونسل“ ۾ فقط پنجن وڏين رياستن کي غير معمولي يعني ”ويٽو“ جو اختيار آهي. ان کان علاوه ڪنهن به عالمي معاملي تي سلامتي ڪائونسل جي مڙني ميمبرن جو اتفاق به هن اصطلاح جي دائري ۾ اچي ٿي. اهڙي اتفاق سبب عالمي سطح تي ٻڌيءَ لاءِ ماحول جُڙي ٿو ۽ اعتراضن ۽ اختلافن ۾ گهٽتائي اچي ٿي