ڊسمبر 1991ع ۾ سوويت يونين جي ٽُٽڻ کانپوءِ هيءَ تنظيم ٺهي، جنهن جو بنيادي مقصد ميمبر ملڪن درميان اقتصادي سهڪار وڌائڻ هو، پر اصل ۾ اِن جي قيام پٺيان سوويت يونين کان آزادي وٺندڙ ملڪن ۾ روس جو اثر برقرار رکڻ به هو. هن تنظيم جا روس، آذربائيجان، آرمينيا، جارجيا، قازقستان، ازبيڪستان، تاجڪستان، ڪرغيزستان، ترڪمانستان، بيلارس، يوڪرائن ۽ مالڊووا ميمبر آهن. روس سان تڪرار کانپوءِ، جارجيا، ان مان نڪري ويو. مٿين ميمبر ملڪن معاهدي ذريعي هڪٻئي جي رياستي حدبندين کي مڃيو ۽ گڏيل وچ ايشيائي منڊيءَ جي قيام لاءِ راضپو ڏيکاريو. ان سان گڏ رياستي ۽ ملڪي عوام لاءِ سهولتون پيدا ڪرڻ، اڳوڻي سوويت يونين جي گڏيل فوجي ڪمان کي تسليم ڪرڻ سان گڏوگڏ شهري، سياسي ۽ ثقافتي آزادين کي ممڪن بنائڻ جو انجام ڪيو ويو. تنظيم جو مرڪز، منسڪ (بيلارس جي گاديءَ جو هنڌ) ۾ قائم ڪيو ويو.