سورهين صدي عيسويءَ کان استعمال ٿيندڙلاطيني ٻولي جو هيءُ لفظ ڪنهن رياستي سربراهه جي اهڙي اعتماد واري نمائندي لاءِ ڪتب آڻبو آهي ، جيڪو ڳُجهو پيغام کڻي ملڪي سربراهه جي هم- منصب يا ڪنهن وڏي مرتبي رکندڙ شخصيت تائين پهچائيندو آهي . ان نمائيندي جي حيثيت سرڪاري طور مقرر ٿيل سفير جي برابر ۽ خاص اختيارن واري هوندي آهي ۽ کيس ڏنل ذميواريءَ جي خاتمي تائين ملڪ جي اندر توڙي ملڪ کان ٻاهر هر قسم جون سرڪاري سهولتون حاصل هونديون آهن . اڪثر ڪري امن ڀرين معاهدن ، تڪرارن جي خاتمي ۽ علائقائي سهڪار جي حوالي سان ان قسم جي تجربيڪار ، باصلاحيت ۽ آزاد ذهن سفارتڪارن جون خدمتون حاصل ڪيون وينديون آهن . ان ڏس ۾ افغان گهوٽالي ۾ گڏيل قومن جي ’ڊيگو ڪارڊوويز‘ ۽ آمريڪي خاص نمائيندي ’رچرڊ هالبروڪ‘ جو ڪردارمثال طور پيش ڪري سگهجي ٿو .