[مص - فعل متعدي] تئيءَ ۾ پچائڻ، ڀـُڃڻ (پلو، مڇي، ترڪاري وغيره گيهه يا تيل ۾)

* ڇِلڻ، لسو ڪرڻ (ڪنهن ٿلهي ڪاٺي يا دوڳيءَ کي ڪهاڙي سان)

* [مص] ترڻ

* [امر] تَـرِ

* [مضارع] تريان (ج) تريون، ترِين (ج) تريو، تري (ج) ترِينِ

* [زمان حال ٺاهڻ لاءِ معاون فعل ’ٿو‘ ۽ زمان حال استمراريءَ لاءِ ’پيو‘ جا مذڪر، مونث جمع جا صيغا ڳنڍبا آهن]

* [حال] تري ٿو (ج) ترِينِ ٿا

* [حال مث] تري ٿي (ج) ترِينِ ٿيون

* [ماضي] تريو (ج) تريا

* [ماضي مث] تري (ج) تريون

* [مستقبل] تريندو (ج) تريندا

* [مستقبل مث] تريندي (ج) ترينديون

* [اسم مفعول] تريلُ

[مص - فعل لازمي] عضون جي چرپر سان پاڻيءَ جي مٿاڇري تي پاڻ جهلڻ، پاڻيءَ جي مٿاڇري تي رهڻ

*[’ٻڏڻ‘ جو ضد]

* تڙڳڻ

* تري پار ڪرڻ (واهه، درياءَ وغيره)

* لڙهڻ

* پار پهچڻ

* وصول ٿيڻ (ٻڏل رقم)

* چڙهي پوڻ (بيماريءَ مان)

* زمين کي ترگهمائي سڌو ڪرڻ

* [تَريو، تَريا، تَري، تَريون، تَرندو، تَرندا، تَرندي، تَرنديون، تَريل]

[ا - مذ] ڪَکُ، گاهه جو تيلو، ڪانو

* ]هند[

[مص - فعل لازمي] تور ٿيڻ، وزن ٿيڻ (ڪنهن شيءِ جو)

* ڪانٽي يا ساهميءَ تي چڙهڻ، وزن ڪرڻ (پنهنجو)

* ]سن: تل = تورڻ[

* چڀڻ (اکين ۾)

* [تـُريو، تـُريا، تـُري، تـُريون، تـُرندو، تـُرندا، تـُرندي، تـُرنديون، تـُريل]