هيءُ نظريو سياسي دانشور Alexander Wandt (اليگزينڊر وين) بحث هيٺ آندو آهي، جنهن جي چوڻ موجب: انتشار (Anarchy) ڪنهن به رياست سان سلهاڙيل فطري عنصر نه پر هڪ اهڙي صورتحال آهي، جيڪا رياست پنهنجي سرشتي ۾ بگاڙ سبب پاڻ جنم ڏيڻ جي ذميوار آهي. ’انتشار‘ رياست کي هلائڻ لاءِ ترتيب ڏنل اصولن ۽ قاعدن ۾ توازن نه هُجڻ جي نشاندهي ڪري ٿو. اهو رياست کي ورثي ۾ مليل نه آهي ۽ نه ئي عالمي لاڳاپن ۾ مستقل رويو آهي. ان ڪري جيڪڏهن ڪا به رياست پنهنجي حُڪومتي سرشتي کي ڪنٽرول ڪرڻ لاءِ حڪمت عملي جوڙي ته ان حڪمت عمليءَ تحت هڪ ڪامياب رياست جو جنم عمل ۾ اچي سگهي ٿو. ”وين“ جي ڪتاب Anarchy What States Make of it :1992 ۾ هن موضوع تي تفصيلي بحث ڪيو ويو آهي. هي ڪتاب نظريي ، فن، تخليق ۽ فلسفي جي دنيا ۾ وڏي اهميت رکي ٿو، جنهن ۾ سکڻ (Learning) ۽ ڄاڻ جي طريقئه ڪار تي روشني وڌي وئي آهي