[ا - مذ] هٿ تي هٿ هڻڻ جو عمل، ٻن هٿن جو ٺڪاءُ (جيڪو اڪثر دادَ طور، خوشيءَ جي اظهارَ طور، ننڍي ٻار کي ريجھائڻ يا ڪنهن کي هوشيار ڪرڻ لاءِ وڄايو ويندو آهي، ڳائڻا يا مڱڻهار ان کي رڌم طور به ڪتب آڻين)

* ]سن: تل = ڪي به ٻه شيون ٺهڪائڻ[’پيار پکي پياسارو آهي، ڄاڻ اڏامڻ هارو آهي، تاڙيءَ ساڻ اڏار نه مون کي‘

(مقصود گل)

* در کي بند ڪرڻ واري ڪاٺ جي پٽي (جيڪا اندران ڪڙي بدران ڪم اچي)، تاڙو، تاڪي، تختي (در يا دريءَ جي)

* رنڊڪَ، بندش، پردو

’تاڙي جي لاهي، ته منجهين مشاهدو ٿئي‘ (شاهه/ يمن ڪلياڻ)

*کجيءَ جو رسُ يا کير (جيڪو نشيدار آهي ۽ ماڻهو پيئندا آهن)

*کجيءَ جي رس مان ٺاهيل شراب

* نار ۾ ڪم ايندڙ هڪ ڪاٺي (’شاهه ونگن‘ جي پاسن کان ٻيا ونگ گڏجن ٿا، جن مان ٻاهرين پاسن وارن کي ’ڇاڙا‘ ۽ اندرئين پاسي وارن کي ’تاڙيون‘ چون)

* چرخي يا ائٽ جي چڪر جي هڪ ڪاٺي

* جنڊ جي مٿئين پـُڙ ۾ پيل ڪاٺي (جيڪا ڪِير تي بيهي ۽ پڙ کي ڦيرائڻ ۾ مدد ڪري)

* مڪڙي

* جهِرڻي جي چيريل ڪاٺي

* [س/ٿ]

* ٻڪريءَ جي ڀڳل ٽنگ کي ٻڌ ڏيڻ جي ڪاٺي

* [س/ڪوهه]

* چپر

*کجيءَ جو گوشو