20 - ڊسمبر 2002ع تي گڏيل قومن جي جُز سلامتي ڪائونسل طرفان 1386 ٺهراءَ هيٺ افغانستان ۾ ’نيٽو’ جي ڪمان ۾ قائم هي امن فوج ملڪن ۾ انتشار ۽ لاقانونيت ختم ڪرڻ لاءِ وجود ۾ آئي. هن فوج جو ابتدائي مقصد ته افغانستان جي راڄڌاني ’ڪابُل‘ ۽ آسپاس جي علائقي ۾ سلامتيءَ ڀريو ماحول پيدا ڪري، صدر حامد ڪرزئي جي قيادت ۾ جوڙيل عُبوري افغان حڪومت کي تحفظ فراهم ڪرڻ هو، پر آڪٽوبر 2003ع ۾ چئن مرحلن ۾ ’ايساف‘ جو دائرو سڄي افغانستان تائين وڌايو ويو. 2006ع کان اها ڏاکڻ افغانستان ۾ طالبان شدت- پسندن سان مسلسل ويڙهه ۾ آهي. رومانيا ، بلغاريا ، بيلجيم ، ڊينمارڪ ، ڪيناڊا ، برطانيا ، آمريڪا ، اٽلي ، فرانس، جرمني، ڏکڻ ڪوريا ، اسپين ، آئرلينڊ ، تورڪي ، پولئنڊ ، پُرتگال ، آسٽريليا ، نيوزيلئنڊ ، سنگاپور، ۽ آزربائيجان سميت يورپي يونين ۽ نيٽو جا سڀ ميمبر ملڪ شامل آهن. منجهانئن ڪيناڊا ، برطانيا ، آمريڪا ۽ ڊينمارڪ عملي ويڙهه دوران تمام گهڻو جاني ۽ مالي نقصان برداشت ڪيو آهي