Pregnancy

پريگ.نن.سي

اميدواري، ڳڀ پوڻ (conception) کان ٻار ڄڻڻ جو 280 ڏينھن جو عرصو. حمل جي شروعات آني جي نرجڻ ۽ ان جي پيوند ٿيڻ سان ٿئي ٿي. آنو، اؤر (placenta) ۽ ڳڀ (fetus) پيدا ڪري ابھم ۾ تبديل ٿي وڃي ٿو. ڪيترا آنا ڳڀيرڻ ۾ لڳي/ پيوند ٿي وڃن ٿا. تمام ورلي ڪو آنو جڏھن ڪنھن غيرمعمولي ھنڌ جھڙوڪ پيٽ ۾ فيلوپين (fallopian) نليءَ ۾ واڌ ڪري ته ان کي بيجا حمل (ectopic pregnancy) سڏجي ٿو. عام طور تي حمل، عورت جي آخري ماھواريءَ جي پھرين ڏينھن کان اٽڪل 60 ھفتن تائين ھلي ٿو. جنھن جي ٽن مرحلن ھر ھڪ جي ٽن مھينن ۾ (ٽه ماھين، trimesters) ۾ ورھاست ڪجي ٿي. حمل جي پھرين 8 ھفتن دوران واڌ ڪندڙ ابھم کي اِمبريو (embryo) ۽ ان کانپوءِ فيٽس (fetus) سڏجي ٿو. پھرين ٽه ماھيءَ دوران ڇاتيون وڌڻ شروع ڪن ٿيون ۽ حساس ٿي سگهن ٿيون. عام طور تي اُڊيڙ (ڏسو، vomiting in pregnancy) ٿي پون ٿا. ھن مرحلي جي آخر تائين ابھم جا مکيا عضوا تيار ٿي وڃن ٿا. ٻيءَ ٽماھي دوارن ماءُ جون ٻنڊيون (nipples) وڏيون ۽ رنگ جون گهريون ٿي وڃن ٿيون ۽ ماءُ جو وزن تيزيءَ سان وڌڻ لڳي ٿو. عام طور تي 20 ھفتي دوران ابھم جي چرپر محسوس ڪري سگهجي ٿي. ٽينءَ ٽه ماھيءَ دوران اسٽريچ مارڪَ (stretch marks) ظاھر ۽ کنگهڙو (colostrum) پيدا ٿي سگهن ٿا ۽ بريڪسٽن ھڪس ڪانٽريڪشن (Braxton Hick’s contractions) محسوس ڪري سگهجن ٿا. اٽڪل 36 ھفتي ابھم جي منڍي انگيج/ لهڻ ٿيڻ شروع ڪري ٿي. حمل دوران صحت جي معمولي مسئلن ۾ شامل ٿين ٿا: قبضي، بواسير، اڱاري، ڪن ڦٿ کائڻ (pica)، مُرن جو سڄي پوڻ ۽ ويريڪوس وينس. ان سان گڏ ٻيا عام مسئلا ٿين ٿا: پيشاب لنگهه جا انفيڪشن (urinary tract infections)، پيٽان ويھڻ يا پيشاب ڪرڻ تي ضابطو نه رھڻ ۽ ڪينڊيڊياسِس (candidiasis). حمل جي متاثر ڪندڙ پيچيدگين ۽ نقصن ۾ شامل ٿين ٿا اينٽِيپارٽم ھيمريج (antepartum haemorrhage)، ڊائبيٽڪ پريگننسي (diabetic pregnancy)، ڇڪي اچڻ (miscarriage)، پالي ھيڊرامنيوس (polyhydramnios)، پري اِڪليمپسيا (pre-eclampsia)، پريميچوئرٽِي (prematurity) ۽ رِيوسس اِنڪامپيبلٽي (Rhesus incompatibility) (وڌيڪ ڏسو، childbirth; fetal heart monitoring; pregnancy, multiple).