injury

آ.ڪو. پيش.نل ـ ڊزيز ـ اينڊ ـ انجري

اھڙيون بيماريون، نقص يا ضربون جيڪي ڪيميائي مادن يا ڊسڙ يا جسماني يا نفسياتي يا بائلاجيڪل پھلوئن سبب ڪنھن ڪم واري ھنڌ تي ٿي پون. نوموڪونيوسس (Pneumoconiosis) ڦڦڙن جي فائبروسس (fibrosis) صنعتي ڊسڙ جھڙوڪ: ڪوئلي سبب ٿي پوي ٿي. ايسبيسٽوسس (asbestosis) بيماري صنعتن جي ايسبيسٽوس (asbestos) ڪيميائي مادي سان لاڳاپيل ٿئي ٿي ۽ نامياتي ڊسڙ، الرجيائي آلويولائيٽس (alveolitis) پيدا ڪري ٿي (ڏسو، farmer’s lung). صنعتي ڪيميائي مادا، ساه ۾ وڃن ته ڦڦر تباه ڪري سگهن ٿا يا ڦڦڙن يا چمڙيءَ مان رت جي گردشي سرشتي ۾ داخل ٿي وڃن ته ٻين نازڪ عضون تائين رسي انھن کي تباه ڪري سگهن ٿا. انھن جي مثالن ۾ شامل ٿين ٿا ڪيڊميم (cadmium)، بيريليئم (beryllium)، شيھي (lead) ۽ بينزين (benzene) جا بخار. ڪاربان ٽيٽراڪلورائيڊ (carbon tetrachloride) ۽ وينائيل ڪلورائيڊ (vinyl chloride)جيري جون بيماريون پيدا ڪن ٿا. انھن مان ڪيترا مرڪب بڪيون ناس ڪري سگهن ٿا. ڪم سان لاڳاپيل چمڙيءَ جي تڪليفن ۾ ڪانٽيڪٽ ڊرميٽائيٽس (dermatitis) ۽ اسڪوئيمس سيل ڪارسينوما (squamous cell carcinoma) شامل ٿين ٿيون ڪجهه ورلي ٿيندڙ وچڙندڙ بيماريون جيڪي ڪن ڌنڌن/ پيشن ۾ گهڻيون عام ٿين جن ۾ بروسيلوسس (brucellosis) ۽ ڪيو فيور (Q fever، چوپائي مال مان)، ستاڪوسس (psittacosis، پکين مان) ۽ ليپٽواسپائيروسس (leptospirosis، نيڪاس مان) شامل آھن. جيڪي فرد رت يا رت جي مادن سان ڪم ڪن ٿا، اھي صحت جي ٻين پيشيور ڪارڪنن جيان وائرل ھيپيٽائيٽس (ڏسو، hepatitis, viral) ۽ ائڊس (AIDS) ٿيڻ جي گهڻي خطري ۾ رھن ٿا. ايٽمي صنعت ۽ صحت سنڀال جي ڪن پيشن ۾ شعاعن جي خطرن کي گهٽائڻ لاءِ اپاءَ ورتا وڃن ٿا. پيشوراڻين تڪليفن ۾ ٻيون شامل ٿين ٿيون: رائيٽرس ڪريمپ (writer’s cramp)، ڪارپل ٽنيل سنڊروم (carpal tunnel syndrome)، سنگرس نوڊس (singer’s nodes)، ريناڊس فنامينن (Raynaud’s phenomenon)، ٻوڙائپ ۽ موتيو پاڻي (cataracts).