Phulwari Sindhi Proverbs

اَويلو مهمان، پُڻائي پنهنجو پاڻُ.
اوڌر قُرب جي ڪئنچي آهي.
اوڏَ، مٽيءَ جا ڪوڏَ.
اونڌي کوپري اُلٽي مَتِ، متان ڪري ڪو اُن تي پَتِ.
اُونڌو دِلو، پاڻيءَ سان نه ڀرجي.
اُونهاري جي اڳياڙي، سياري جي پڇاڙي.
اولادُ پنهنجو زال پرائي.
اولهه لڳي سائِي سُڪائي.
اوڻٽيهه اُپتِ، ٽِيهه کَپتِ.
اوههُ وڏو، کيرُ ٿورو.
اوجهري ناهي گوشت، پوليس ناهي دوست.
اوجهڙ هليا نه ڀُليا، راهه هليا ڀُلجن.
اَڻ گُهريا موتي ملن، گُهريا ملن نه دان.
اُهي ايندا ڏينهَن، ڪندا شينهَن سلام سهن کي.
اُهي ٻيلا ئي ٻيا، جن جون ڪاٺيون ڪم جون.
اُهي پيٽَ ئي پڌرا، جيڪي پُٽ ڄَڻين.
اِهي، تڏي، ڌُون پَڪڙي.
اُهي دَفترَ ئي ڪُتا کڻي ويا.
اُهي ئي گَڏههَ، اُهي ئي آٿرَ.
اهڙي ڪيائين، جهڙي هيڙهن ڪئي لِڏ سان.
اَهڙو سُيحو، جهڙو اَڪنِ تي پارو.
اَهنجَ بنان، سَهنجُ ڪونهي.
اَهنڪاري چڙهيل به ڪريل، نِهٺو ڪِريل به چڙهيل.
اهو عقلُ سانڍي رکُ، وَهِي نه وڃئي.
اُهو ڪي ڪجي، جو اوڙڪ سَهاءِ ٿئي.
اگههُ اللهُ جو، واٽَ وڏيري جي.
اَڪُ انبُ نه ٿئي، ڦُٽِي جهلي ڦَرُ،نانگ مان ناڙو نه ٿئي، ٻَڪرُ وهي نه هَرُ،پرائو پنهنجو نه ٿئي، توڙي کڻي کارائين گهرُ.
اڪيلائي اڪسير آهي.
اڪيلو ماڻهو ، نه کلندو سُونهي، نه روئندو سُونهي
اَڪ جي ڪاٺيءَ کي، چوڌاري اُڏوهي.
اِڪريءَ جي ڦِڪري.
ائين ڀڳو جيئن گنجو پاڪيءَ کان.
ائين ڀڳو جيئن شيطان لاحول کان.
ائين ڀڳو جيئن ڪانءُ ڪمان کان.
ائين ڦِريو جيئن ڪافر ڪلمي کان.
اِئين گُم ٿيو، جيئن گڏهه جي مٿي تان سِڱَ.
ائين سڃاتائين، جيئن اوڏُ گڏهه کي.
ائين ڪُٽيو جيئن اُٺُ پتڻ تي.
اَئي گهوڙٽِ!
اَئِي، گهوڙن هَيس!
بارُ ايترو کڻجي، جيترو کڄي سگهي.
بارُ ڀريءَ کان گهڻو آهي.
بارُ گڏههِ تي، ٽِٽ ڏئي کودي.
بارِي کڻن بارُ، ڪونهي ڪمُ ڪچن جو.
بازار تيزُ ته سيٺ به چاقُ، بازار موڙي ته سيٺ به نوڙي.
بازار جي مٺائي آهي، جو وڻي، سو کائي.
بازار ۾ جوتو اونڌو ڪر ته ماڻهو گڏ ٿيو وڃن.
باندر جي ڳچيءَ ۾ موتي جي مالها.
باندرُ ڄاڻي بيوقوفَ، ڇا سُنڍِ جو سوادُ.
باقرا، باقرا!جهيڙي دا گانڊو، گهر دا آڪرا.
باههِ باههِ چوڻ سان زبان ڪا نه سڙندي.
باههِ کي پاڻي ٺاري نه تيلُ.
باهيون يارَ جون، ڪڍي ڀُتار مان.
باههِ جو ويرُ، ڪکن سان.
باههِ، چولي ۾ نه لِڪي.
باههِ، ۾ تپايل سون ئي صافُ ٿئي.
بُکَ به غريبَ تي، ٿُڪَ به غريب تي.
بُکيا ويا سُڃن وٽِ چي، ”عيدَ ڪنداسين.“
بُکيو گِدڙُ شينهن سان گڏُ کائي.
بُکَ لَڇڻَ وڃائي، ڏمرُ عقلُ.
بيبي نيڪ بخت، ته دمڙيءَ جي دال، ٽي وقت،بيبي بدبخت، ته مهيني جي پگهار، هڪ وقت
بي پتي کان، بس ڀلي.
بيٺي جو سڀڪو، ڪِرئي جو ڪيرُ به ڪونهي.
بيٺل پاڻي، بانسَ ڪري.
بي دليو نوڪرُ، دشمن برابر.
بي عيب خدا جي ذاتِ آهي.
بي عزتي ٿيندي آهي عِزتَ واري جي.
بيماري، خدا شل دشمن کي به نه ڏئي.
بيماري گهوڙي تي چڙهي ايندي آهي، جُون تي چڙهي ويندي آهي.
بيماريءَ جو علاج آهي، موت جو علاج ڪونهي.
بي شناسو ڪُتو، به در تي چڱو ڪونهي.
بي واهن جو واهي، اللهُ.
بَد کان بدنام بُرو.
بَچُو بادشاهه، پيرو وزير، ٻارهن ٻهروپيا.
بُڇڙو مُنهن، بانور گهڻو.
بخش بيبي ٻلي، ڪُئو لنڊو ئي ڀلو.
بخشش سوَ سوَ، حسابُ جوَ جوَ.
برابر بگهڙ جو پيرُ آ.
برادريءَ ۾ ننڍ وڏائي آهي ئي ڪا نه.
برادريءَ ۾ ڪسا لانوان به اگهامي ويندا آهن.
بُرائيءَ جو نيٺ، هر ڪو ڪيتو ٿو لوڙي.
بَرُ کائجي پَرُ کائجي، پر تَرُ نه کائجي.
بَرُ ڏسي، تَرُ کائجي.
بنا دانءَ ۽ دَيا جي، اميرُ به، پينو فقيرُ.
بَندِي خانو بڇڙو، شل قيد نه پوي ڪو.
بَن ۾ شينهُن جل ۾ واگُهو، ڌرتيءَ تي سنتوشي راجا.
بلان به ٻارهين مهيني کَلَ مٽائيندي آهي.
بَلُ ڇڏي، بُلَ جو پُٽُ.
بُلُ وڃي، ڀاڙئي مڙس کان.
بسم الله اسان لاءِ، ٻيا پِني به کائيندا.
بَوا پوئي ڪا!
بودلو بهارُ آهي.
بوُلي ڏئي بَم.. جاني بيگ کي.
بَصرُ به چوي، مون کي داڳُ ڏئي کاءُ.
بَڻي ته بڻي، نه ته دال ماني گهڻي.
بڻ چڱو، ته بُڻياد چڱو.
بَهاول شاهه ڳاڙها، مارين هرڻ پَچائين ڦاڙها.
بهشت ۾، دوزخ جي ڊنگهري.
بهشت ۾ خَچرُ.
بَهڻُ، مٿي پَهڻُ، هيٺ گَهَڻُ.

Online Sindhi Learning

SLA has developed online Sindhi Learning portal where non Sindhi speakers can easily learn Sindhi Language, which is developed from basic level to advance. This portal is based on Dr. Fahmida Hussain’s linguistic methodology of learning.

Visit the site

Virtual Books Library

SLA has developed virtual library where bulk amount of books in Sindhi Language’s history, learning, are posted as downloadable & online readable format. This library is developed for all platforms and systems for better access.

Visit the library

Portal for Sindhi Kids

For the Sindhi kids who are studying in primary schools, SLA has presented online academic songs extracted from their text books in musical structure. The soothing portal is ideal for Sindhi primary students.

Go to portal