اهڙي رياست جيڪا، فوجي، ثقافتي سياسي ۽ معاشي اثر جي لحاظ کان اُتم هُجي ۽ سندس ايجنڊا عالمي سياسي سرشتي تي اثرانداز ٿيندي هُجي ته اُن کي هڪ- رخي برتريءَ واري پاليسي چئبو. ان کان علاوه هڪ اهڙو سرشتو جنهن ۾ ڪا به قوم هڪ رُخ/ طاقت يا حڪمت عمليءَ جي اثر هيٺ هُجي ۽ ان کان سواءِ سندس ڪو چاڙهو نه هُجي، ته اهڙي صورتحال به هن اصطلاح تحت بيان ٿي سگهي ٿي. اهو به چئي سگهجي ٿو ته هن سرشتي هيٺ هڪ کان وڌيڪ قوم يا رياستون پڻ وجود رکي سگهن ٿيون، پر سندن حڪمت عمليءَ جو اظهار بهرحال طئي ٿيل، گڏيل ۽ ڪنهن مخصوص رُخ ۾ هوندو. اڄڪلهه دُنيا ۾ هن سرشتي جو وڏو چوٻول آهي، ڇاڪاڻ جو هاڻوڪي عالمي سياسي نظام جي مٿان آمريڪي تصورن جي ڇاپ ۽ بين الاقوامي معاملن مٿان گهڻي قدر آمريڪي حڪمت عملين جو اثر آهي