جنگي فن، حڪمت عملي

شاطرانه طريقا- جنگي حڪمت عمليون

هي محدود ۽ خاص قسم جون، مخصوص ۽ عارضي مُدي لاءِ ٿيندڙ سرگرميون آهن، جيڪي تڪراري ماحول ۾ ٻن ڌُرين طرفان هڪٻئي جي خلاف جاري رکيون وينديون آهن. جيڪڏهن اهي سرگرميون تسلسل، ترتيب ۽ عقل-منديءَ سان جاري رکجن، ته اُهي هڪ مضبوط حڪمت عمليءَ جو روپ اختيار ڪري سگهن ٿيون. مثال طور ڪنهن تشدد پسند حُڪومت تي انساني حقن جو احترام ڪرڻ جي سلسلي ۾ عوامي ميڙ ڪٺا ڪري دٻاءُ وجهڻ جو عمل ”حڪمت عملي“ سڏرائيندو، جڏهن ته عوامي ميڙن کي منظم طريقي سان عمل ۾ لاهڻ ۽ اُن بابت هاڪاري تاثر قائم ڪرڻ جي فن کي ”رمزون“ سڏيو ويندو. هي اصطلاح هاڪاري ۽ ناڪاري ٻنهي حوالن سان استعمال ٿي سگهندو آهي ۽ جنگي هُنرن ۽ حڪمت عمليءَ ۾ ان جي وڏي اهميت ۽ استعمال ڏسڻ ۾ آيو آهي. اهڙين سرگرمين ذريعي، مُخالف ڌُر جي ايجنڊا جو ٻارڻ بڻجڻ بجاءِ، ڪا به ڌُر پنهنجي چترائي ۽ صلاحيت سان، ڪنهن به تڪرار ۾ پنهنجي ايجنڊا کي وڌيڪ اهم بڻائيندي آهي