بلقان جي علائقي ۾ ڏکڻ اوڀر يورپ جا ملڪ يونان، يوگو سلاويه، بوسينيا، ڪوسوو، مئسيڊونيا، مونٽينيگرو، سربيا، ڪروشيا، ترڪي، سلووينيا، سلوويڪيا، بلغاريا، رومانيا، البانيا ۽ اٽليءَ جو هڪ حصو اچي وڃن ٿا. بلقان جو علائقو هميشه يورپ ۾ جنگين جي شروعات جو سبب بڻيو آهي، ڇاڪاڻ جو هن علائقي جي ماڻهن ۾ وڙهڻ جي جبلت شدت سان موجود رهي آهي. ”بلقان“ ترڪي ٻوليءَ جو لفظ آهي، جنهن جي معنيٰ ”وڻن سان جهنجهيل جبل“ آهي. هن علائقي ۾ ٿڌ ۽ بارش هُجڻ ڪري جبل سدائين ساوا رهن ٿا. علائقي ۾ سدائين وڳڙ رهڻ ڪري، ان جي پُٺيان Balkanization جو اصطلاح جُڙيو. اڄ به جنهن علائقي ۾ ننڍيون ننڍيون، هڪٻئي سان دُشمني رکندڙ ۽ بُحراني وجود رکندڙ رياستون جنم وٺنديون آهن ۽ لاقانونيت جي ور چڙهيل حاڪم اقتدار ۾ اچي ويندا آهن ته ان صورتحال کي Balkan جي علائقي ۾ 1817ع کان 1812ع تائين پيدا ٿيل انتشار جي پيسمنظر ۾ ڏٺو ويندو آهي